ზოგადი განათლების დამადასტურებელი სახელმწიფო დოკუმენტები გაიცემა სახელმწიფო სერვისების განვითარების სააგენტოს ნებისმიერ ფილიალში ან იუსტიციის სახლში ( განათლების მართვის საინფორმაციო სისტემის მონაცემთა ბაზის საფუძველზე)

• საბაზო ზოგადი განათლების ატესტატი (ე.წ. მე–9 კლასის ატესტატი)
• სრული ზოგადი განათლების ატესტატი (ე.წ. სკოლის დამთავრების ატესტატი)
• ზოგადი განათლების საშუალო საფეხურის სერტიფიკატი (სერტიფიკატი, რომელიც გაიცემა იმ შემთხვევაში, თუ მოსწავლემ დაამთავრა 12 კლასი, მაგრამ ვერ /არ  ჩააბარა სკოლის გამოსაშვები გამოცდები)

ზოგადი განათლების დამადასტურებელ სახელმწიფო დოკუმენტზე განაცხადი

ზოგადი განათლების დამადასტურებელი დოკუმენტის მიღებაზე განაცხადი შეუძლია გააკეთოს 14 წლის, პირადობის დამადასტურებელი დოკუმენტის მქონე მოსწავლემ ან მისმა კანონიერმა წარმომადგენელმა (მინდობილმა პირმა, ან არასრულწლოვანი მოსწავლის მშობელმა).

საჭირო დოკუმენტები

მე–9 კლასის, მე–12 კლასის ატესტატის ან სერტიფიკატის მიღების მსურველმა მოქალაქემ განაცხადის გაკეთებისას უნდა წარმოადგინოს შემდეგი დოკუმენტაცია:

1.      პირადობის დამადასტურებელი დოკუმენტი

2.      მოსწავლის მიერ სახელის ან/და გვარის შეცვლის დამადასტურებელი დოკუმენტი (თუ ესეთი გარემოება არსებობს)

3.      წარმომადგენლობის დამადასტურებელი დოკუმენტი (თუ განაცხადს აკეთებს კანონიერი წარმომადგენელი)

თუ მოსწავლემ საგანმანათლებლო პროგრამის დასრულების წლის 31 დეკემბრის ჩათვლით არ მიმართა სერვისების განვითარების სააგენტოს ტერიტორიულ სამსახურს, ან იუსტიციის სახლს, მომდევნო წლის 1 იანვრიდან მისი დოკუმენტი ჩაითვლება „დუბლიკატად“.

„დუბლიკატად“ ასევე ითვლება ის დოკუმენტი, რომელიც მოსწავლეს უკვე აღებული აქვს და მის მიღებას ითხოვს განმეორებით.

ზოგადი განათლების დამადასტურებელი სახელმწიფო დოკუმენტების დუბლიკატები

• საბაზო ზოგადი განათლების ატესტატის დუბლიკატი (ე.წ. მე–9 კლასის ატესტატის დუბლიკატი)
• სრული ზოგადი განათლების ატესტატის დუბლიკატი (ე.წ. „სკოლის დამთავრების“ ატესტატის დუბლიკატი)
• ზოგადი განათლების საშუალო საფეხურის სერტიფიკატის დუბლიკატი (სერტიფიკატის დუბლიკატი, რომელიც გაიცემა იმ შემთხვევაში, თუ მოსწავლემ დაამთავრა 12 კლასი, მაგრამ ვერ ან არ ჩააბარა სკოლის გამოსაშვები გამოცდები).

​

დუბლიკატზე განაცხადი

ზოგადი განათლების დამადასტურებელი დოკუმენტის დუბლიკატის მიღებაზე განაცხადი შეუძლია გააკეთოს 14 წლის, პირადობის დამადასტურებელი დოკუმენტის მქონე მოსწავლემ, ან მისმა კანონიერმა წარმომადგენელმა (მინდობილმა პირმა, ან არასრულწლოვანი მოსწავლის მშობელმა).

საჭირო დოკუმენტები

ა) თუ განათლების მართვის საინფორმაციო სისტემის მონაცემთა   ბაზაში ინახება ინფორმაცია მოსწავლის მიერ საგანმანათლებლო პროგრამის დასრულების შესახებ, საკმარისია დაინტერესებულმა პირმა წარმოადგინოს შემდეგი დოკუმენტები:

1.      პირადობის დამადასტურებელი დოკუმენტი

2.      მოსწავლის მიერ სახელის ან/და გვარის შეცვლის დამადასტურებელი დოკუმენტი (თუ ესეთი გარემოება არსებობს)

3.      წარმომადგენლობის დამადასტურებელი დოკუმენტი (თუ განაცხადს აკეთებს კანონიერი წარმომადგენელი)

ბ) თუ ზემოაღნიშნულ ბაზაში არ ინახება ელექტრონული ინფორმაცია პირის მიერ საგანმანათლებლო პროგრამის დასრულების შესახებ (ეს ის შემთხვევაა, როდესაც პირს სკოლა ან მე–9 კლასი დამთავრებული აქვს 3 ან მეტი წლის უკან) დაინტერესებულ პირს შეუძლია წარმოადგინოს ერთ–ერთი შემდეგი დოკუმენტი:

• შესაბამისი საგანმანათლებლო დაწესებულების (სკოლის) ან არქივის ცნობა, სადაც მითითებული იქნება ინფორმაცია მოსწავლის შესაბამის სასწავლებელში ჩარიცხვისა და სწავლის დასრულების თაობაზე.
• შესაბამისი უფლებამოსილი ორგანოს მიერ გამოცემული ადმინისტრაციული აქტი, ან სასამართლოს გადაწყვეტილება ოკუპირებულ ტერიტორიაზე მიღებული  განათლების აღიარების შესახებ;
• უფლებამოსილი ორგანოს მიერ გაცემული დოკუმენტი, რომლითაც დასტურდება პირის მიერ ზოგადსაგანმანათლებლო პროგრამის ექსტერნატის ფორმით დაძლევის ფაქტი.

გ) თუ განათლების მართვის საინფორმაციო სისტემის მონაცემთა ელექტრონულ  ბაზაში არ მოიპოვება ინფორმაცია მოთხოვნილი დოკუმენტის შესახებ და განმცხადებელი არ წარადგენს ერთ–ერთ ზემოაღნიშნულ დოკუმენტს, ასეთ შემთხვევაში სააგენტოს ფილიალი ან იუსტიციის სახლი გასცემს ზოგადი განათლების დამადასტურებელ დოკუმენტს ერთი თვის ვადაში.
ასეთ შემთხვევაში დაჩქარებული მომსახურება დაინტერესებულ პირს ვერ გაეწევა.

მომსახურების ვადა და ღირებულება

შენიშვნა: საფასური, რომელიც დაწესებულია „პირველადი“ ატესტატის/სერტიფიკატის სასწავლო წლის დასრულებიდან იმავე წლის 20 ივნისამდე გაცემისათვის განსხვავდება 20 ივნისიდან წლის ბოლომდე დოკუმენტის გაცემაზე განსაზღვრული საფასურისაგან.

ზოგადი განათლების დამადასტურებელი სახელმწიფო დოკუმენტის დუბლიკატის დაჩქარებული წესით(იგულისხმება 2,3,5 სამუშო დღე)  გაიცემა მხოლოდ იმ შემთხვევაში, თუ განცხადების წარდგენის დროისთვის მოსწავლის მონაცემები დაცული იქნება საინფორმაციო სისტემის მონაცემთა ელექტრონულ ბაზაში.