პროექტის დასახელება: საზოგადოებრივი ცენტრების განვითარება

სტატუსი: მიმდინარე

ხანგრძლივობა: 2011-2014 (I ფაზა); 2014-2016 (II ფაზა); 2016-2017 (III ფაზა);  2017 – 2020 (IV ფაზა)

დონორი/დამფინანსებელი: ევროკავშირი (EU) და სახელმწიფო სერვისების განვითარების სააგენტო

პარტნიორი/პროექტში მონაწილე მხარეები: საპილოტე მუნიციპალიტეტები, საჯარო რეესტრის ეროვნული სააგენტო, საქართველოს ეროვნული არქივი, სოციალური მომსახურების სააგენტო, შპს მექანიზატორი, მონაცემთა გაცვლის სააგენტო, საქართველოს იუსტიციის სასწავლო ცენტრი, იურიდიული დახმარების სამსახური, საქართველოს ნოტარიუსთა პალატა, სმართ ლოჯიქი, ლიბერთი ბანკი, მაგთიკომი.

საზოგადოებრივი ცენტრების მეშვეობით, ადგილობრივ მოსახლეობას საშუალება აქვს სოფლიდან გაუსვლელად ისარგებლოს 200-ზე მეტი საჯარო და კერძო სერვისით, მათ შორის: სახელმწიფო სერვისების განვითარების სააგენტოს, საქართველოს ეროვნული არქივის, საჯარო რეესტრის ეროვნული სააგენტოს, სოციალური მომსახურების სააგენტოსა და შპს მექანიზატორის სერვისებით, ცენტრში ასევე წარმოდგენილია კერძო კომპანიები „მაგთიკომი“ და „ლიბერთი ბანკი“ (სერვისების შესახებ დეტალური ინფორმაცია იხილეთ საზოგადოებრივი ცენტრების ოფიციალურ ვებ-გვერდზე www.centri.gov.ge).

ცენტრი თანამედროვე ინფრასტრუქტურით და უახლესი ტექნიკით აღჭურვილი სივრცეა, სადაც ხელმისაწვდომია უფასო ინტერნეტი, კომპიუტერები, ვიდეო კონფერენციის აპარატურა და თანამედროვე ელექტრონული ბიბლიოთეკა. საზოგადოებრივ ცენტრებში დასაქმებულია საგანგებოდ შერჩეული და გადამზადებული ადგილობრივი კადრები, რომლებიც ელექტრონული მმართველობის საშუალებით გასცემენ ცენტრალური ხელისუფლებისა და კერძო სექტორის სერვისებს. ცენტრში აგრეთვე განთავსებულია მუნიციპალიტეტის გამგებლის წარმომადგენლის ოფისი.

ცენტრალურ და ადგილობრივ ხელისუფლებას, ასევე სამოქალაქო სექტორს, საშუალება აქვს საზოგადოებრივი ცენტრი გამოიყენოს ადგილობრივ მოსახლეობასთან კომუნიკაციის დასამყარებლად, მათთვის ახალი სერვისების, ინიციატივებისა და საკანონმდებლო ცვლილებების გასაცნობად და მოსახლეობის ცნობიერების ასამაღლებელი ღონისძიებების ჩასატარებლად.

საზოგადოებრივი ცენტრების მდებარეობა

ამჟამად საქართველოს მასშტაბით 56 საზოგადოებრივი ცენტრი ფუნქციონირებს შემდეგ დასახლებებში:

1. შაშიანი – გურჯაანის მუნიციპალიტეტი, ფუნქციონირებს 2012 წლის 18 სექტემბერიდან

2. სართიჭალა – გარდაბნის მუნიციპალიტეტი, ფუნქციონირებს 2012 წლის 24 სექტემბრიდან

3. გომი – ხაშურის მუნიციპალიტეტი, ფუნქციონირებს 2012 წლის 27 სექტემბრიდან

4. რუისი – ქარელის მუნიციპალიტეტი, ფუნქციონირებს 2013 წლის 21 იანვრიდან

5. ჭალადიდი – ხობის მუნიციპალიტეტი, ფუნქციონირებს 2013 წლის 14 თებერვლიდან

6. ხევი – ხარაგაულის მუნიციპალიტეტი, ფუნქციონირებს 2013 წლის 29 მარტიდან

7. მანგლისი – თეთრიწყაროს მუნიციპალიტეტი, ფუნქციონირებს 2013 წლის 10 ივნისიდან

8. კოდა – თეთრიწყაროს მუნიციპალიტეტი, ფუნქციონირებს 2013 წლის 22 ივნისიდან

9. ფოკა – ნინოწმინდის მუნიციპალიტეტი, ფუნქციონირებს 2013 წლის 1 ივლისიდან

10. ნიგოითი – ლანჩხუთის მუნიციპალიტეტი, ფუნქციონირებს   2013 წლის 9 ივლისიდან

11. ჯვარი – წალენჯიხის მუნიციპალიტეტი, ფუნქციონირებს 2013 წლის 3 აგვისტოდან

12. შორაპანი – ზესტაფონის მუნიციპალიტეტი, ფუნქციონირებს 2013 წლის 18 სექტემბრიდან

13. ყვარელწყალი – ახმეტის მუნიციპალიტეტი, ფუნქციონირებს 2014 წლის 28 ოქტომბრიდან

14. მუხაესტატე – ქობულეთის მუნიციპალიტეტი, ფუნქციონირებს 2014 წლის 13 ნოემბრიდან

15. გეგუთი – წყალტუბოს მუნიციპალიტეტი, ფუნქციონირებს 2014 წლის 25 ნოემბრიდან

16. მეჯვრისხევი – გორის მუნიციპალიტეტი, ფუნქციონირებს 2014 წლის 9 დეკემბრიდან

17. კაჭრეთი – გურჯაანის მუნიციპალიტეტი, ფუნქციონირებს 2014 წლის 23 დეკემბრიდან

18. ხიდისთავი – ჩოხატაურის მუნიციპალიტეტი, ფუნქციონირებს 2015 წლის 27 თებერვლიდან

19. ნუკრიანი – სიღნაღის მუნიციპალიტეტი, ფუნქციონირებს 2015 წლის 5 მარტიდან

20. კორბოული – საჩხერის მუნიციპალიტეტი, ფუნქციონირებს 2015 წლის 22 მარტიდან

21. ღორეშა – ხარაგაულის მუნიციპალიტეტი, ფუნქციონირებს 2015 წლის 29 აპრილიდან

22. კაზრეთი – ბოლნისის მუნიციპალიტეტი, ფუნქციონირებს 2015 წლის 22 ივნისიდან

23. შილდა – ყვარლის მუნიციპალიტეტი, ფუნქციონირებს 2015 წლის 6 ივლისიდან

24. ორსანტია – ზუგდიდის მუნიციპალიტეტი, ფუნქციონირებს 2015 წლის 13 ივლისიდან

25. ქვემო ნატანები – ოზურგეთის მუნიციპალიტეტი, ფუნქციონირებს 2015 წლის 20 ივლისიდან

26. კაბალი – ლაგოდეხის მუნიციპალიტეტი, ფუნქციონირებს 2015 წლის 13 ნოემბრიდან

27. ლენტეხი – ლენტეხის მუნიციპალიტეტი, ფუნქციონირებს 2015 წლის 20 ნოემბრიდან

28. ჩაქვი – ქობულეთის მუნიციპალიტეტი, ფუნქციონირებს 2016 წლის 15 იანვრიდან

29. ხრეითი – ჭიათურის მუნიციპალიტეტი, ფუნქციონირებს 2016 წლის 27 იანვრიდან

30. სადახლო – მარნეულის მუნიციპალიტეტი, ფუნქციონირებს 2016 წლის 16თებერვლიდან

31. რუხი – ზუგდიდის მუნიციპალიტეტი, ფუნქციონირებს 2016 წლის 20 თებერვლიდან

32. დიდი ჯიხაიში – სამტრედიის მუნიციპალიტეტი, ფუნქციონირებს 2016 წლის 14 მარტიდან

33. მარტყოფი – გარდაბნის მუნიციპალიტეტი, ფუნქციონირებს 2016 წლის 24 მარტიდან

34. იორმუღანლო – საგარეჯოს მუნიციპალიტეტი, ფუნქციონირებს 2016 წლის 8 ივნისიდან

35. არხილოსკალო – დედოფლისწყაროს მუნიციპალიტეტი, ფუნქციონირებს 2016 წლის 20 ივლისიდან

36. ტყვიავი – გორის მუნიციპალიტეტი, ფუნქციონირებს 2016 წლის 8 სექტემბრიდან

37. ვალე – ახალციხის მუნიციპალიტეტი, ფუნქციონირებს 2016 წლის 26 სექტემბრიდან

38. ბერძენაული – ქარელის მუნიციპალიტეტი, ფუნქციონირებს 2016 წლის 30 სექტემბრიდან

39. უსახელო – ჭიათურის მუნიციპალიტეტი, ფუნქციონირებს 2016 წლის 2 ოქტომბრიდან

40. კიცხი – ხარაგაულის მუნიციპალიტეტი, ფუნქციონირებს 2016 წლის 3 ოქტომბრიდან

41. ბარალეთი – ახალქალაქის მუნიციპალიტეტი, ფუნქციონირებს 2016 წლის 4 ნოემბრიდან

42. ლაჯანა – ცაგერის მუნიციპალიტეტი, ფუნქციონირებს 2016 წლის 11 ნოემბრიდან

43. კუმურდო – ახალქალაქის მუნიციპალიტეტი, ფუნქციონირებს 2016 წლის 14 ნოემბრიდან

44. წალკა – წალკის მუნიციპალიტეტი, ფუნქციონირებს 2016 წლის 26 დეკემბრიდან

45. კოხნარი – ჩოხატაურის მუნიციპალიტეტი, ფუნქციონირებს 2017 წლის 5 ივლისიდან

46. გლდანი – თბილისი, ფუნქციონირებს 2017 წლის 1 აგვისტოდან

47.ზეინდარი – ვანის მუნიციპალიტეტი, ფუნქციონირებს 2017 წლის 14 სექტემბრიდან

48.ბაკურიანი – ბორჯომის მუნიციპალიტეტი, ფუნქციონირებს 2017 წლის 5 ოქტომბრიდან

49.მეორე სვირი – ზესტაფონის მუნიციპალიტეტი, ფუნქციონირებს 2017 წლის 13 ოქტომბრიდან

50.ფასანაური – დუშეთის მუნიციპალიტეტი, ფუნქციონირებს 2017 წლის 30 ნოემბრიდან

51.ჯგალი-წალენჯიხის მუნიციპალიტეტი, ფუნქციონირებს 2017 წლის 31 დეკემბრიდან

52.ლანჩხუთი –  ფუნქციონირებს 2018 წლის 4 მაისიდან

53.აწყური– ფუქცუონირებს 2018 წლის 9 ივლისიდან

54.სანიორე-თელავის მუნიციპალიტეტი, ფუნქციონირებს 2018 წლის 27 აგვისტოდან

55.ზედა საზანო- თერჯოლის მუნიციპალიტეტი , ფუნქციონირებს 2018 წლის 10 სექტემბრიდან .

56. ლესიჭინე– ჩხოროწყუს მუნიციპალიტეტი, ფუნქციონირებს 2018 წლის 17 სექტემბრიდან

57. საჩხერე-  საჩხერის მუნიციპალიტეტი ფუნქციონირებს  2018წლის 19 ოქტომბრიდან

58. წნორი –  სიღნაღის მუნიციპალიტეტი ფუნქციონირებს 2018 წლის 24 ნოემბრიდან 

59. დმანისი – დმანისის მუნიციპალიტეტი ფუნქციონირებს 2018 წლის 25 დეკემბრიდან

60. ადიგენი – ადიგენის მუნიციპალიტეტი ფუნქციონირებს 2019 წლის 15 იანვრიდან. 

საზოგადოებრივი ცენტრის ოფიციალური ვებ-გვერდი

CENTRI.GOV.GE

• ადგილობრივი მოსახლეობისთვის სოფლიდან გაუსვლელად ხარისხიან სერვისებზე ხელმისაწვდომობის ზრდა

• სოფლად მცხოვრები მოსახლეობის შესაძლებლობების განვითარებისათვის თანაბარი პირობების შექმნა

• ადგილობრივი თვითმმართველობების ფიზიკური ინფრასტრუქტურის გაუმჯობესება (საზოგადოებრივი ცენტრების მშენებლობა   და თანამედროვე ტექნიკით აღჭურვა).
• სახელმწიფო და კერძო სექტორის მოთხოვნად სერვისებზე ხელმისაწვდომობა ადგილობრივი მოსახლეობისათვის, საზოგადოებრივი ცენტრების მეშვეობით.
• ადგილობრივი თვითმმართველობის შესაძლებლობების გაძლიერება, მომსახურებათა მიწოდების ფორმების გაუმჯობესება (მათზე სოფლად ხელმისაწვდომობის გაზრდით) და საზოგადოებრივ ცენტრებში მომსახურე პერსონალის გადამზადება, დელეგირებული სერვისების გაცემის მიზნით.
• სამოქალაქო განვითარების ხელშეწყობის მიზნით, ადგილობრივი მოსახლეობისათვის საინფორმაციო-საგანმანათლებლო ღონისძიებების, გამოფენების და ტრენინგების ჩატარება.

საზოგადოებრივი ცენტრების მიერ 2017-2018 წლებში გაიცა 323 900-მდე სერვისი​

2017 წლის მარტის თვეში ყველაზე მეტი სერვისი გასცა წალკის

საზოგადოებრივმა ცენტრმა

2017 წლის მარტი თვეში ყველა მოქმედ საზოგადოებრივ ცენტრში გაიცა 14826 სერვისი

2017 წლის იანვარ-თებერვალში საზოგადოებრივ ცენტრებში გაიცა 31045 სერვისი

2017 წლის იანვარ-თებერვალში ყველაზე მეტი სერვისი გასცა სადახლოს საზოგადოებრივმა ცენტრმა

2016 წელს საზოგადოებრივ ცენტრებში გაიცა 140846 სერვისი

2016 წელს ყველაზე მეტი სერვისი გასცა სადახლოს საზოგადოებრივმა ცენტრმა

2015 წლის პირველ კვარტალში საზოგადოებრივ ცენტრებში გაიცა 14 575 სერვისი.

2015 წლის პირველ კვარტალში ყველაზე მეტი სერვისი გასცა სართიჭალის საზოგადოებრივმა ცენტრმა