მამობის დადგენის რეგისტრაცია

ა) თუ ბავშვი, რომლის მიმართ უნდა განხორციელდეს მამობის დადგენის რეგისტრაცია, არის საქართველოს მოქალაქე, საქართველოში ბინადრობის ნებართვის მქონე პირი, დაბადებულია საქართველოში, ან მისი დაბადება რეგისტრირებულია საქართველოში;

ბ) თუ არასრულწლოვანი ბავშვის ერთ-ერთი მშობელი არის საქართველოს მოქალაქე ან საქართველოში მუდმივი ბინადრობის ნებართვის მქონე პირი;

გ) თუ მამობის დადგენის შესახებ გადაწყვეტილება გამოიტანა საქართველოს სასამართლომ;

დ) თუ მამობის დადგენის შესახებ გადაწყვეტილება გამოიტანა სხვა სახელმწიფოს სასამართლომ და ცნობილია საქართველოს კანონმდებლობით დადგენილი წესით.

მშობელთა ერთობლივი განცხადების საფუძველზე მამობის დასადგენად  საჭირო დოკუმენტები:

• მშობლების ერთობლივი წერილობითი განცხადება;
• ორივე მშობლის პირადობის დამადასტურებელი დოკუმენტი;
• ბავშვის დაბადების მოწმობა;
• ბავშვის არასრულწლოვანი დედის ან/და მამის შემთხვევაში, მათი დაბადების მოწმობა და ორივე მშობლის, ან სხვა კანონიერი წარმომადგენლის თანხმობა პირის ბავშვის მამად ჩაწერის თაობაზე.

მამის განცხადების საფუძველზე მამობის დასადგენად საჭირო დოკუმენტები:

• მამის წერილობითი განცხადება;
• მამის პირადობის დამადასტურებელი დოკუმენტი;
• ბავშვის დაბადების მოწმობა;
• ერთ–ერთი შემდეგი დოკუმენტი:

ა) დედის გარდაცვალების მოწმობა;

ბ) დედის უგზო-უკვლოდ დაკარგულად აღიარების შესახებ სასამართლოს გადაწყვეტილება;

გ) დედის ქმედუუნაროდ ცნობის შესახებ სასამართლოს გადაწყვეტილება;

დ) დედისათვის მშობლის უფლების ჩამორთმევის თაობაზე  სასამართლოს გადაწყვეტილება.

• არასრულწლოვანი მამის შემთხვევაში, მისი დაბადების მოწმობა და მშობლის ან სხვა კანონიერი წარმომადგენლის თანხმობა პირის ბავშვის მამად ჩაწერის თაობაზე

მამობის დადგენის მოწმობა გაიცემა უფასოდ  განცხადების წარდგენიდან 1 სამუშაო დღის ვადაში.